Самара Каримова Кыргыз өлкөсүндө миллион катталуучу топтогон алгачкы Инстаграм колдонуучусу болду

Кыргыз Республикасынын Эмгек сиңирген артисти Самара Каримова социалдык тармактагы популярдуу болгон Инстаграм баракчасында миллион катталуучу топтоду. Кыргыз шоу-бизнесиндеги алгачкы миллион катталуучу топтогон ырчы айым SUPER.KG порталына буларды айтып берди.

"Бүгүн мен үчүн кош майрам болуп жатат. Мындан 5 жыл мурун кызым Даткайым төрөлгөн. Туулган күнгө кошулуп социалдык тармактагы баракчамдагы катталуучулардын саны миллионго жетиптир. Күйөрмандарым менен жакын болуп, байланышта болоюн деген максатта 2015-2016-жылы Инстаграмга катталгам. Бирок миллион катталуучу топтоюн деп аракет кылган эмесмин. Мындай көп катталуучу топтогонумдун эч кандай сыры жок. Болгону жеке баракчама жашоомдогу кызыктуу окуяларды, чыгармаларды, айтор элиме кызык болгон маалыматтарды жүктөп келем. Айрым учурда күйөрмандарыма белектерди ойнотуп, тартуулайм. Мени колдогондорго таазим, ар бир аракетим сиздер үчүн", - дейт ырчы.

Белгилүү болгондой, аталган баракчада катталуучусу миллионго чамалагандардын бири ырчы, алып баруучу жана актриса Анжелика. Учурда анын жеке баракчасында 955 миң катталуучу бар.