КИНОЗАЛ: Эксклюзив! Ырчы Руслан Абыловдун шоу концерти SUPER.KG порталында

SUPER.KG порталынын "Кинозал" бөлүмүнө ырчы Руслан Абыловдун ушул жылдын 5-майында Каба уулу Кожомкул атындагы Спорт Ордосунда койгон шоу концерти жүктөлдү.

Бул ырчынын тушоо кесүү концерти болуп, кечени журналист Назира Кадыева алып барган.

"2 сааттан ашуун убакытка созулган концертте эстрада, фольклор жана аккордеондун коштоосунда жандуу ырларды аткардык. Ошондой эле ар бир ырымда бийчилер коштоп жатты. Концертке Кыргыз Республикасынын Эмгек сиңирген артисти Динара Акулова, Султан Садыралиев, Айганыш Абдиева, Нурмат Садыров жана башкалар конок болушту. Концертте мага "Кыргыздын мыкты жигити" төш белгиси берилип, бир жагынан күтүүсүз болсо, экинчи жагынан эсте калган учур болду. Ал эми өзгөчө номер деп Добр экөөбүздүн "Бийкеч" аталышындагы чыгармабыз жана жандуу үн менен аткарган "Күлгүн жаш", "Жалгыздыктан тажап бүттүм" деген ырлар болду", - дейт ал.

Концертке келгендер залдын 95 пайызын түзүп, анын жарымы улуу муундагылар болсо, жарымын жаштар түзгөн.

Руслан Абыловдун тушоо кесүү шоу концертин көрүү үчүн шилтеме.