Депутат Бактыбек Турусбеков Ысык-Көлдүн түндүк жээгинен түштүк жээгине сүзүп өттү. Ал сууда сүзүү боюнча мелдешке биринчи жолу катышканын айтты

Жогорку Кеңештин 54 жаштагы депутаты Бактыбек Турусбеков Ысык-Көлдүн түндүк жээгинен түштүк жээгине чейинки аралыкты сүзүп өттү. Бул тууралуу эл өкүлү бүгүн, 26-августта SUPER.KG порталына билдирди.

Анын айтымында, ал Ысык-Көлдүн түндүк жээгинен түштүк жээгине чейинки 14 чакырым аралыкты 5 саат 16 мүнөттө сүзүп өтүп экинчи келген.

"Issyk-Kul Swim Challenge" аталышындагы мелдешке 6 адам катыштык. Ал эми финалдык жээкке 4 адам сүзүп чыктык. Бул иш-чарага катышууга мага бир жыл мурун сунуш түшкөн. Мелдешке катышуу үчүн эртең менен 5, 7, 9 километрден сүзүп, 1 ай даярдандым. Сүзүү учурунда медицина кызматкерлери коштоп жүрдү. Жыйынтыгында Тору-Айгыр айылына экинчи болуп жээкке чыктым", - деди эл өкүлү.

Мындан сырткары эл өкүлү сууда сүзүү боюнча мелдешке биринчи жолу катышып жатканын кошумчалады.