Баястан үйлөнүү тоюнда сүйүктүүсү менен 5 кабаттуу торт кесип, конокторго узатты (сүрөт)

Рэп аткаруучу Баястан менен бийчи Зульфиянын 27-августта өткөрүп жаткан заманбап тою аягына чыкты. Эки жаш үлпөт тоюн Балыкчы шаарындагы тойканалардын биринде өткөрүп, ага экөөнүн ага-туугандары, достору жана шоу-бизнес өкүлдөрү күбө болушту.

Той ыр-бий менен коштолуп, түрдүү оюн-зооктор орун алды жана меймандар менен бийчилер ортосунда батлл болду. Келген коноктордун ак тилегин угушкан соң эки жаш 5 кабаттуу таттуу тортту кесип, аларга ооз тийгизди.

Түгөйлөрдүн жакшылыгында Эркин Рыскулбеков тамада болуп, орус жана кыргыз тилинде алып барды. Толук маалыматты "Супер-Инфо" гезитинин №826-санынан окуй аласыздар.

Айта кетсек, Баястан жубайы Зульфия менен 11-августта баш кошуп, аны өз үйүнө алып кеткен.