Супер-Инфо
super.kg видео
ТЕСТ: Мектепти эбак аяктагансыз, бирок сабактар сиз үчүн да башталдыбы? Окуучусу бар үй-бүлөлөргө арналган тест
Окуучулук күндөрдө кандай гана кызыктар болбойт. Үч айлык каникулдан кийин кайрадан кызыктарга бай болгон окуу жылы башталды. Ак көйнөк кийип, ак бантик тагып мектепке бара жаткан балдар-кыздарды көрүп, окуучулук күндөрүңүз эсиңизге түшкөн чыгар? Ал эми сентябрь башталар менен башталгыч класста окуп жаткан окуучулардын ата-энелери да балдары менен бирге мектеп жашоосуна сүңгүп киришет. Математика, тарых, музыка, география...
Төмөнкү тесттен өтүп, мектеп күндөрүнө кайтып көрүңүз.
кошулду
1
2
3
4
5
6
7
8
9
10
11
12
13
14
15
“Таш бака талга чыкканда” деген фразеологизм менен мааниси бирдей туруктуу сөз айкашын белгилеңиз...
Эки фразеологизм тең "эч качан болбойт" деген маанини билдирет. Ал эми "Ак төөнүн карды жарылган" жана "кой үстүнө торгой жумурткалаган заман" бейпилчилик, молчулукту түшүндүрсө, "Кой оозуна чөп албаган" деп жоош, момун кишини сыпаттайбыз.
"Ак төөнүн карды жарылганда"
"Төөнүн куйругу жерге тийгенде"
"Кой оозуна чөп албаган"
"Кой үстүнө торгой жумурткалаган"
Заттын кыймыл-аракетин, ал-абалын билдирүүчү сөз түркүмү кандай аталат?
Заттын кыймыл-аракетин, ал-абалын билдирүүчү сөз түркүмү - этиш деп аталат. Этиш эмне кылды? эмне кылат? эмне кылып жатат? эмне болду? Эмне болуп жатат? деген суроолорго жооп берет.
Сын атооч
Ат атооч
Зат атооч
Этиш
Организмдеги зат алмашуу жараяны эмне деп аталат?
Организмдеги зат алмашуу процесси - метаболизм деп аталат. Ошондой эле Анаболизм, катаболизм деген эки жараяндан турат.
Метабиоз
Метаболизм
Катаболизм
Анаболизм
Өсүмдүктөрдү изилдөөчү илим эмне деп аталат?
Өсүмдүктөрдү изилдөөчү илим "Ботаника" деп аталат. Ботаника грек тилинен которгондо - "чөп", "өсүмдүк" деген мааниге ээ болгон биология илиминин бир тармагы.
Ботаника
Микология
Микробиология
Мындай илим жок
Кайсы поэма Алыкул Осмоновдун калемине таандык?
"Ысык-Көл кээде тынч да, кээде толкун, Толкуса толкунуна тең ортокмун. Турмушта канча жолдош күтсөм дагы, Бир сырдуу мындай жолдош күткөн жокмун" деген таанымал 4 сап Алыкул Осмоновдун калемине таандык. Ал Осмоновдун "Жеңишбек" поэмасынан алынган.
“Эстелик сүйлөйт” поэмасы
“Чептен эрдин күчү бек” поэмасы
“Жеңишбек” поэмасы
"Курманжан датка” поэмасы
"Акбаранын көз жашы" фильми Айтматовдун кайсы чыгармасына негизделип тартылган?
Акбара менен Ташчайнардын окуясы "Кыямат" романында баяндалат. Бул чыгармага негизделип, 1989-жылы "Кыргызтелефильм" студиясында "Акбаранын көз жашы" фильми тартылган. Фильмдин режиссёру - Дооронбек Садырбаев.
“Кыямат” романы
“Кылым карытар бир күн” романы
“Ак кеме” повести
Бул фильм Айтматовдун чыгармаларына негизделген эмес
Эки жолу "Нобель" сыйлыгын алган жападан жалгыз физик айым ким?
Мария Кюри алгачкы жолу "Нобель" сыйлыгын жолдошу менен биргеликте алган. Кийин аталган сыйлыкка жеке эмгеги үчүн татыган. Кюриден башка бир дагы айым аталган сыйлыкты бирден ашык ала алган эмес. Ал физика жана химия илимдериндеги жетишкендиктери үчүн бул сыйлыкка жетишкен.
Лиза Мэйтнер
Мария Кюри
Татяна Афанасьева
Кэтрин Жонсон
Ньютондун башына түшүп кеткен алма кайсы физикалык закондун ачылышына себеп болгон?
Бүткүл дүйнөлүк тартылуу закону Ньютондун башына алманын түшүп кетишине себеп болгон. "Дүйнөнү Обо эненин, Ньютондун жана Стив Жобстун алмасы өзгөрттү" деген сөз бекеринен калган эмес.
Ньютондун биринчи закону
Бүткүл дүйнөлүк тартылуу закону
Ньютондун экинчи закону
Катыштык теориясы
Эң жеңил газ кайсы?
Суутек эң жеңил газ болуп эсептелет. Анын атомдук салмагы 1,00794 грамм/молго барабар.
Биологиялык газ
Суутек
Жаратылыш газы
Газдардын баарынын салмагы бирдей
Аргентинанын борбору кайсы шаар?
Түштүк Америка континентиндеги эң ири шаарлардын бири болгон Буэнос-Айрес шаары - Аргентина мамлекетинин борбору болуп эсептелет. Испан тилинен которгондо Буэнос-Айрес "сонун аба" дегенди түшүндүрөт.
Москва
Вашингтон
Буэнос-Айрес
Богота
Перстердин падышасы Кир IIни жеңип алган Сактардын ханышасы ким болгон?
"Кир IIге "сени кармап, башыңды канга сугарам" деп кат жазып, ал сөзүн аткарган Сактардын аял падышасы - Томирис болгон" деп айтылат маалымат булактарында. Сактардын мамлекети азыркы Кыргыз жеринин аймагында өкүм сүргөн.
Клеопатра
Жанна д’Арк
Елена
Томирис
Улуу кыргыз дөөлөтү кайсы мезгилде өкүм сүргөн?
840-жылы Кыргыздардын ажосу уйгурлардын борбор шаары Ордо-Балыкка 100 миң аскерин жиберип, басып алат. Ошентип Улуу кыргыз дөөлөтүн түптөшкөн. Бул мамлекет 920-жылга чейин жашаган.
VII-VIII кылымдарда
IX-X кылымдарда
XI-XII кылымдарда
XIII-XIV кылымдарда
Актан менен Акылай мектептен чыгып, карама-каршы тарапка кетишти. Акылай шашпай, саатына 2 чакырым ылдамдык менен, ал эми Актан 4 чакырым ылдамдыкта кетти. 2 сааттан кийин экөөнүн аралыгы канча чакырым болот?
Акылай 2 саатта 4 чакырым, Актан 8 чакырым жол жүрөт. Демек, экөөнүн аралыгы 12 чакырымга барабар болот.
8
10
12
14
7*Х+8=22 Х канчага барабар?
7*2+8=22
0
2
4
6
Табакта 3 алма бар. Анын экөөсүн алып койдуңуз. Сизде канча алма калды?
Табактагы алманы эмес, сиздеги алманы санаңыз. Анткени суроону терең маани берип окубагандар табакта калган алманы эсептеп алышы мүмкүн.
1
2
3
4
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
1
Ката 5
Жыйынтыгы 67
Дайым 60болот меники!Ары же бери эмес, тоба!
Коомдук адепке туура келбеген сөздөрдү жазууга жол берилбейт! Эскертүү сызыгыңыз толгондугуна байланыштуу түбөлүк БАНга!