Чыңгысбек Узакбаев: "Кыргызстанда быйыл дан- эгиндерин жыйноо эрте башталды"

Кыргызстанда быйыл кылкандуу дан-эгиндерин жыйноо 10-15 күнгө эрте башталгандыгын бүгүн, 2-июлда селектордук жыйында айыл чарба жана мелиорация министри Чыңгысбек Узакбаев билдирди. Айтымында, учурда Чүй, Ош, Баткен, Жалал-Абад облустарынын кээ бир райондорунда дан-эгиндерди жыйноо башталды. “Быйыл жазгы айдап-себүү иштери башка жылдарга салыштырмалуу эрте башталган. Дыйкандар күйүүчү май, техника менен камсыздалышты. Быйыл кылкандуу дан эгиндери 628,4 миң гектар жерге себилген”, - деди министр.