Көчмөндөр оюндары: Бүгүн көк бөрү боюнча мелдештин жарым финалы орун алат

Бүгүн, 6-сентябрда Ысык-Көл облусунун Бактуу-Долоноту айылындагы борбордук ат майданда Дүйнөлүк көчмөндөр оюндарынын алкагындагы көк бөрү боюнча мелдештин жарым финалдык беттештери орун алат.

Жарым финалда тайпалык баскычтын жеңүүчүлөрү беттешет, анда оюн талаасына "А" тайпасынан Кыргыз курама командасы, "В" тайпасынан Москва курама командасы "С" тайпасынан Казакстан курама командасы жана "D" тайпасынан Өзбекстан курама командасы чыгат.

Жарым финалдын алгачкы беттешине Кыргыз оюнчулары Москва менен кез келсе, экинчи беттеште Казакстан менен Өзбекстан курама командалары күч сынашат.

Аталган беттештерди SUPER.KG порталы түз эфир аркылуу көрсөтөт. Түз эфир саат 16:00дө башталат.

Беттештердин тизмеси:

16:00 Кыргыз өлкөсү-Москва;

18:00 Казакстан-Өзбекстан.