1-августтан баштап мамлекеттик кызматкерлердин жана жергиликтүү бийлик башчыларынын айлыктары көтөрүлөт

1-августтан баштап мамлекеттик кызматкерлердин жана жергиликтүү бийлик башчыларынын айлыктары көтөрүлөт. Бул тууралуу 3-июлда эмгек, миграция жана жаштар министри Алиясбек Алымкулов билдирди. Министрдин айтымында, айлыктардын жогорулашы 2 этап менен өтөт. Биринчиси - 1-августтан, экинчиси - 1-октябрдан башталат. "Буга өкмөт 1 миллиард 900 миллион сом караган",- дейт министр. Бул демилгени Мамлекеттик кадр кызматы көтөрүп чыкканын кошумчалады ал.