Супер-Инфо
super.kg видео
ТЕСТ: UFC тууралуу билесизби? Дүйнөдөгү эң беделдүү уюм - UFC'нин тарыхы жана мушкерлери жөнүндө билимиңизди текшериңиз
7-октябрда АКШнын Лас-Вегас шаарында UFC уюмунун кезектеги мелдеши өтөт. Анда көп жылдан бери күтүлүп жаткан Хабиб Нурмагомедов менен Конор Макгрегордун беттеши орун алат. SUPER.KG порталы сиздерге дүйнөдөгү эң беделдүү уюм - UFC'нин тарыхы жана мушкерлери тууралуу тесттен өтүп көрүүнү сунуштайт.
1
2
3
4
5
6
7
8
9
10
11
12
13
14
15
Учурда UFC уюмунун жалпы рейтингинде 1-орунду ээлеген мушкер ким?
UFC’нин салмак ченине көз карандысыз жалпы рейтингинде азыркы тапта 1-орунду жарым оор жана оор салмак чендеринде чемпиондук курдун ээси Дэниел Кормье ээлеп келүүдө. 2-орунда Конор Макгрегор болсо, 3-орунда Ти Жей Диллашоу жайгашкан. Ал эми Хабиб Нурмагомедов жалпы рейтингде 8-орунда жайгашкан.
Конор Макгрегор
Хабиб Нурмагомедов
Ти Жей Диллашоу
Дэниел Кормье
Хабиб Нурмагомедовдун каймана аты ким?
Хабиб Нурмагомедовдун каймана аты - “бүркүт”. Ал мындай каймана атка өз улутунун символунан улам ээ болгон.
Карышкыр
Бүркүт
Аюу
Арстан
Жеңилүү ызасын тартып көрбөгөн мушкер Хабиб Нурмагомедов канча беттеште жеңишке жеткен?
Хабиб Нурмагомедов ММА'дин эрежеси боюнча жалпы 26 беттешке катышып, бардыгында жеңишке жеткен. Ал 26 беттеште 8 жолу нокаут, 8 жолу калыстардын чечими жана 10 жолу ыкмаларды колдонуп атаандаштарын жеңилүүгө аргасыз кылган.
15
21
23
26
Конор Макгрегор ММА'дин эрежеси боюнча мелдештерде канча жолу жеңишке жеткен?
Конор Макгрегор жалпы эсепте ММА'дин эрежеси боюнча 24 беттеш өткөргөн. Макгрегор 21 беттеште жеңишке жетип, 3 жолу жеңилүү ызасын тарткан. 21 жеңиштин ичинен Макгрегор 18 жолу атаандашын нокаутка учураткан.
21
23
19
15
Хабиб Нурмагомедов UFC’деги алгачкы беттешин кайсы жылы өткөргөн?
Хабиб Нурмагомедов UFC’деги алгачкы беттешин 2012-жылы 21-январда өткөргөн. Анда орусиялык мушкер ирандык Камал Шалорус менен кез келип, 3-раундда муунтуу ыкмасы менен жеңишке жеткен.
2010-жылы
2011-жылы
2012-жылы
2014-жылы
Хабиб Нурмагомедов менен Конор Макгрегордун беттеши кайсы салмак ченинде өтөт?
Хабиб Нурмагомедов менен Конор Макгрегордун таймашы 66-70 килограмм салмак ченинде өтөт. Беттеш Лас-Вегас шаарында 7-октябрда орун алмакчы.
61-66 килограмм
66-70 килограмм
70-77 килограмм
77-84 килограмм
Эль Кукуй каймана аты менен белгилүү мушкер ким?
Эль Кукуй - бул Латын Америкада жана Португалияда биздин жез кемпир сыяктуу персонаж, аны менен наристелерди коркутушат. Фергюсондун мындай каймана атка ээ болуп калышынын себеби ал бардык атаандаштарына коркунуч алып келчү.
Дэниел Кормье
Брок Леснар
Макс Холлоуэй
Тони Фергюсон
UFC’нин тарыхында 2 салмак ченде чемпиондук курду утуп алган алгачкы мушкер ким?
Бир убакытта 2 салмак ченинде чемпиондукка ээ болгон мушкер – бул Конор Макгрегор. Ал 2015-жылы Чед Мендести утуп, жарым жеңил салмак ченинде (61-66 килограмм) чемпион болуп, 2016-жылы Эдди Альварести утуп жеңил салмак ченинде (66-70 килограмм) чемпион аталган.
Дэниел Кормье
Конор Макгрегор
Жон Жонс
Жорж Сен-Пьер
Валентина Шевченко UFC’де канча беттешке катышкан?
Кыргыздан чыккан атактуу мушкер Валентина Шевченко UFC’де жалпы 6 беттеш өткөрүп, анда 4 жолу жеңишке жетсе, 2 жолу жеңилүү ызасын тарткан. Шевченко 2 жолу Аманда Нуньестен утулуп калган.
3
4
5
6
Азыркы тапта UFC'де Кыргыздан чыккан канча мушкер бар?
Учурда UFC уюмунда Кыргыз өлкөсүнөн чыккан 2 мушкер бар. Алар Антонина Шевченко жана Валентина Шевченко. Валентина Шевченко кезектеги беттешин 3-ноябрда өткөрсө, Антонина Шевченко азырынча атаандашын биле элек.
1
2
3
4
UFC’нин тарыхында чемпиондук курду катары менен бир нече жолу коргоп рекорддук көрсөткүчкө ээ болгон ким?
Чемпиондук курду коргоо боюнча рекорддук көрсөткүч ээси - Деметриус Жонсон. Ал чемпиондук курду 2012-жылы утуп алып, 2013-жылдан баштап 2017-жылга чейин чемпиондук курду 11 жолу коргоп алган. 12- беттешинде Генри Сехудо менен кез келген. Беттештин 5 раундунун соңунда калыстардын чечими менен жеңиш Сехудого ыйгарылып, Жонсон курунан кол жууган.
Деметриус Жонсон
Ти Жей Диллашоу
Жорж Сен-Пьер
Конор Макгрегор
UFC’де эң бат бүткөн беттеш канча секунд болгон?
Расмий эсептер боюнча UFC’де эң бат беттеш 7 секундда бүткөн. Бул убакытта дароо 3 мушкер атаандашын жеңип алууга жетишкен, алар Тодд Даффи, Чен Санг Жанг жана Райян Жиммо болушкан.
3 секунд
5 секунд
7 секунд
9 секунд
UFC’нин тарыхында кайсы мушкер эң жаш чемпион аталган?
UFC’нин эң жаш чемпиону Жон Жонс болгон. 2011-жылы UFC 128 мелдешинде Жон Жонс 23 жашында бразилиялык Маурисио Руаны техникалык нокаут менен жеңип, UFC’нин чемпиондук курун тагынган.
Конор Макгрегор
Брок Леснар
Роберт Уиттакер
Жон Жонс
UFC’нин алгачкы чемпиону ким болгон?
UFC уюмунун алгачкы мелдешинин эрежеси боюнча мушкерлер плей-офф баскычында күч сынашкан. Мелдештин жүрүшүндө бразилиялык жиу-житсунун өкүлү Ройс Грейси 3 атаандашын утуп, UFC’нин алгачкы чемпиону болгон.
Ройс Грейси
Марк Колман
Тито Ортис
Франк Шармрок
UFC’нин алгачкы мелдеши кайсы жылы орун алган?
UFC уюмунун алгачкы мелдеши 1993-жылы 12-ноябрда Денвер шаарында “McNichols Sports Arena” стадионунда өткөн. Ага спорттун бир нече түрүнөн 8 спортчу катышкан.
1987-жылы
1993-жылы
1997-жылы
2003-жылы
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
1
1 |