Супер-Инфо
super.kg видео
ТЕСТ: Кыргыз жериндеги элдин "эсин оодарган" эстеликтер
Кыргыз жериндеги тарыхый жана маданий эстеликтер тууралуу кеп кылабыз. Жашаган жерибизге көрк кошкон эстеликтердин арасында коомчулук тарабынан сынга кабылгандары да арбын. Арасында жылмаюу жараткандары да жок эмес. Бул тесттен кездеше турган эстеликтерди көргөн чыгарсыз. Эми тесттен өтүп, эстеп көрүңүз.
кошулду
1
2
3
4
5
6
7
8
9
10
11
12
13
14
15
Ушул эстеликтин жанынан өттүңүз. Сиз кайсы районго бара жаткан болосуз?
Бул эстелик Ала-Бука районунун кире беришине орнотулган. Биринчи эстелик жергиликтүү тургундар тарабынан тургузулган. Аны талкалап кетишкенде жергиликтүү бийлик тарабынан кайрадан орнотулган. Салмагы 4 жарым тонна.
Жети-Өгүз
Ала-Бука
Жумгал
Кыргыз жеринде кайсы саясий кызматкердин эстелиги көп?
Кыргыз жериндеги көпчүлүк облустарда Владимир Лениндин эстелиги бар.
Султан Ибраимов
Жусуп Абдырахманов
Владимир Ленин
"Эмгек эстелиги" кайсы жерге орнотулган?
Кетмендин эстелиги - Кемин районундагы Чоң-Кемин айыл аймагынын Калмак-Ашуу айылындагы дөңсөөдө орнотулуп, «Эмгек эстелиги» деп аталган. Салмагы 3 тоннага жетет. Узундугу 22 метр.
Кемин районунда
Кетмен-Төбө өрөөнүндө
Ноокен районунда
Эстеликти карап аймактын аталышын атаңыз...
Бийиктиги 11 метр болгон аттын башынын эстелиги Нарын облусунун Ат-Башы районунда орнотулган.
Кулунду
Тулпар-Таш
Ат-Башы
Баткен согушунда курман болгондордун эстелиги кайсы шаарда тургузулган?
Баткен согушунда курман болгондордун эстелиги Бишкек шаарында Куралдуу Күчтөрдүн Бир штабынын жанына тургузулган.
Баткен
Айдаркен
Бишкек
Аксы жана Апрель окуяларында курман болгондордун элесине арналган эстелик эмне үчүн сынга кабылган?
Кара түстөгү бөлүктүн аз болгону коомчулукта нааразылык жараткан.
Эки кандуу окуяга бир эстелик тургузулганы үчүн
Кара түс - жамандыктын белгиси болгон тарабынын аз болгону үчүн
Жогорку Кеңештин имаратынын жанына тургузулганы үчүн
Бул кайсы белгилүү инсандын айкели?
Таттыбүбү Турсунбаеванын айкели 2014-жылы 30-апрелде актрисанын 70 жылдыгына карата орнотулган. Айкелге Таттыбүбү Турсунбаеванын “Ак Мөөр”, “Кызыл алма”, “Уркуя” фильмдеринде жараткан образдары жуурулушуп түшүрүлгөн. Узундугу 5 метр болгон эстелик кызыл колодон жасалып, 7 миллион сом каражат сарпталган.
Айсулуу Токомбаева
Бүбүсара Бейшеналиева
Таттыбүбү Турсунбаева
"Эркиндик" статуясы орнотулганга чейин "Ала-Тоо" аянтында кимдин эстелиги турган?
Владимир Лениндин эстелигинин ордуна "Эркиндик" статуясы орнотулган.
Иосиф Сталин
Владимир Ленин
Борис Ельцин
"Эркиндик" статуясынын "Ала-Тоо" аянтынан алынышындагы негизги себеп эмне болгон?
Бул статуя борбордук аянтка 2004-жылы орнотулган. Жогоруда көрсөтүлгөн сын-пикирлердин баары "Эркиндик" статуясына карата айтылган. Анын аянттан алынышына "кыргыз элинин маданий баалуулугун туура келбейт, кыргызда аял эч качан түндүктү көтөргөн эмес" деген кептер негиз болгон.
"Аял жарым жылаңач кийинген" деген пикир
"Кыргызда аял түндүктү көтөрбөйт" деген пикир
"Жумурткада отурган аял" деген сындар
Бул эстелик кайсы апааттын курмандыктарын унутпоого багышталган?
2017-жылы 16-январда Манас аэропортуна жакын жердеги айылга Боинг учагы кулаган. Каза болгон 39 адамдын элесине арналган эстелик кырсыктан 1 жыл өткөндөн кийин ачылган.
Жалпы согуш курмандыктарын
Боинг учагы кулаганда курман болгондорду
1916-жылы Үркүндө каза болгондорду
Манастын эстелиги борбордук аянтка качан орнотулган?
Кыргыз Республикасынын эгемендүүлүгүнүн 20 жылдыгына карата 2011-жылы ачылган. Ага чейин бул эстеликтин ордунда "Эркиндик" статуясы турган.
1991-жылы
2010-жылы
2011-жылы
Бүбүсара Бейшеналиеванын эстелиги эмне үчүн кыргыздын менталитетине туура келбей турганы айтылган?
Белгилүү балерина Бүбүсара Бейшеналиеванын эстелиги борбордогу опера жана балет театрынын жанына орнотулган. Эстелик колодон жасалган. Анын балет кийиминин көрүнүшү, юбкасын тик көтөрүлүп турганы кыргыз менталитетине туура келбейт деген кептер тараган.
Эстелик мрамордон эмес, колодон жасалганы үчүн
Балет кийиминин көрүнүшү, юбкасы тик көтөрүлүп турганы үчүн
Эстеликтин көлөмү кичинекей болуп калганы үчүн
Сүймөнкул Чокморовдун эстелиги кайра алынат. Эмне үчүн?
Сүймөнкул Чокморовдун эстелиги 2017-жылы ноябрда ачылган. Ачылышы болгондон кийин актёрдун жакындары айкел Сүймөнкул Чокморовго окшошпой калганын айтып чыгышкан. Эстеликтин ордуна башка айкел жасалары маалым болгон.
Актёрдун жакындары скульпторду сотко бергени үчүн
Сүймөнкул Чокморовдун айкели актёрго окшошпой калганы үчүн
Туура эмес жерге орнотулганы үчүн
Чыңгыз Айтматовдун эстелиги тууралуу коомчулукта кайсы кемчилик баса белгиленген?
Чыңгыз Айтматовдун эстелиги 2011-жылы Кыргыз Республикасынын Эгемендүүлүгүнүн 20 жылдыгына карата ачылган. Ачылышы болгондон кийин коомчулукта Чыңгыз Айтматовдун жаш кези түшүрүлгөнү талкуу жараткан.
Эстелик кечигип тургузулганы
Жазуучунун 80 жылдыгынан кийин ачылганы
Эстеликке жазуучунун жаш кези түшүрүлгөнү
Апрель баатыры Алиясбек Алымкуловдун эстелигинин ачылышы эмне үчүн талкуу жаратты?
Апрель баатыры Алиясбек Алымкуловдун эстелигинин ачылышы Талас облусунда болду. Коомчулук Алымкуловдун көзү тирүү кезинде эстелик тургузулганын белгилеп, талкууга алды.
Эстелик Талас облусунда тургузулганы үчүн
Көзү тирүү кезинде эстелик тургузулганы үчүн
Айкел Алиясбек Алымкуловго окшобой калганы үчүн
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
3
4 ката
Жыйынтык 74