Голливуд жылдызы Женнифер Лопес 20 мүнөттүн ичинде 2 миллион доллар каражат тапты

Америкалык ырчы, актриса Женнифер Лопес 20 мүнөт аралыгында 2 миллион доллар тапты. Бул тууралуу батыш маалымат булактары жазып чыгышкан.

Маалым болгондой, Женнифер Лопес Катардагы "Doha festival City" деген жаңы соода борборунун ачылышына чакырылган. Соода борбордун ачылышына дүйнөгө белгилүү жылдыздар чакырылып, аларга ар кандай суммадагы гонорар төлөнгөн. Ачылышка келген Женнифер Лопес ырдаган эмес. Ал жөн гана соода борборуна келген күйөрмандары менен жолугуп, кол тамгасын калтырган. Чет элдик басылмалар Женнифер күйөрмандары менен 20 мүнөт гана жолукканын жазып чыгышкан.

Салтанаттын уюштуруучулары актрисанын жатаканасын, тамак-ашын, жол акысын дагы акысыз кылган.

Актриса "Forbes" журналынын версиясы боюнча эң көп киреше тапкан атактуулардын сап башында турат.

Буга чейин, 49 жаштагы Голливуд жылдызы "InStyle" журналынын декабрь айындагы санынын башкы бетине чыгуу үчүн жарым жылаңачтанып сүрөткө түшкөн.