"Ильяздын ыры" чыгармасы казакстандык топтун аткаруусунда жарык көрдү

"Ильяздын ыры" чыгармасын Казакстандын "Made in KZ" тобу кыргыз тилинде аткарып чыкты. Аталган видео социалдык түйүндөргө тез эле жайылып, угармандардын жакшы ой-пикирлерине ээ болгон.

Ал эми аталган топ ырды социалдык тармакка жүктөп: "Ильяздын ыры" - уккулуктуу чыгарма, бизге аябай жагат. Ошондон улам казак тилинде аткарып чыгууну туура көрдүк. Сиздерге дагы жагат деп ишенебиз", - деген. "Made in KZ" тобу домбранын коштоосунда чет элдик чыгармаларды кавер аткарып келгени менен белгилүү.

Белгилей кетсек, "Ильяздын ыры" чыгармасын кыргыз шоу-бизнесинен Кыргыз Республикасынын Эмгек сиңирген артисти Мирбек Атабеков аткарып, клип тарттырган.

"Ильяздын ыры" жазуучу Чыңгыз Айтматовдун "Делбирим" чыгармасынын негизинде тартылган тасмага саундтрек болуп жазылган. Ырдын сөзү милициянын полковниги, акын Жолдошбек Бузурманкуловго, ал эми обону композитор Жекшен Тагаевге таандык.