Ырчы Азалия Кытайда өтө турган "Жер шарынын сулуусу-2018" сынагына барбай калды

"Кыз-Бурак" тобунун мурунку солисти, учурда жеке ырчы катары таанылган Азалия Кытайда өтө турган сулуулар сынагына катышпай калды. Ырчы виза алуу маселесине байланыштуу "Жер шарынын сулуусу-2018" ("Miss Globe-2018") эл аралык сынагына барбай калганын SUPER.KG порталына айтып берди.

"Негизи сынакка катышуу боюнча чакыруу кагазы ноябрь айынын башында келген. Сынак 20-ноябрдан 3-декабрга чейин өтмөк. Уюштуруучулар элчиликке документтеримди тапшырып, виза алганга убакыт кененирээк болсун деп сынакты 24-ноябрга жылдырышкан. Тилекке каршы, виза ала албай калдым. Элчиликтен мага башка документтерди алып кел дешти. Аларды тапшырууга жетишпей калып, сынакка бара албай калдым. Уюштуруучулар менин бара албай калганыма капа болушту. Бирок кийинки жылы өтө турган сынакка чакырарын билдиришти", - дейт ал.

Белгилей кетсек, Азалия 11-октябрдан 22-октябрга чейин Малайзиянын Куала-Лумпур шаарында өткөн "Miss Cosmopolitan World-2018" сулуулар сынагына катышып, байгелүү орунду камсыздай алган эмес.