Алып баруучу Нурзат Токтосунова кош бойлуу экенин айтты

Алып баруучу Нурзат Токтосунова күйөрмандары менен кубанычтуу кабарын бөлүштү. Айталы дегенибиз, алып баруучу айым наристе күтүп жатат.

Бул тууралуу ал интернеттеги жеке баракчасына жазган. Анда: "Кудайым кут кылсын, түбөлүгүн түз кылсын, буюрса, жакында ата-апа болобуз. Көп айтпайлы, көз болбосун, бир күнү сүйүнчүлөйбүз", - деп жазган.

SUPER.KG порталы Нурзат Токтосунова менен байланышканда ал бул маалыматты тастыктап, кубанычта экенин билдирди.

"Көп айта берүүдөн коркуп жатам. Кубаныч менен кошо коркунуч болуп жатат. Ооба, наристе күтүп жатабыз. Башкасын айтпай эле турайын. Аман-эсен көз жарып алышымды тилейм", - деди ал.

Нурзат Токтосунова 2015-жылы Максат Надырбековго турмушка чыгып, 2016-жылы заманбап тоюн Бишкек шаарындагы тойканалардын биринде өткөрүшкөн. "Супер-Инфо" гезитинин тандоосу боюнча "Заманыбыздын супер алпаруучусу" наамынын ээси Нурзат Токтосунова 35 жашта.