Баткенде аткезчилик жол менен алынып келаткан 3 миллион 200 миң сомдук жүк кармалды

Баткен облусунун Лейлек районундагы Сай айылынан аткезчилик жол менен алынып келаткан 3 миллион 200 миң сомдук жүк кармалды. Бул тууралуу Мамлекеттик чек ара кызматынан кабарлашты.

Маалым болгондой, бүгүн, 11-декабрда чек арачылар менен УКМКнын кызматкерлери Кыргыз-Тажик чек арасынан мыйзамсыз өтүп келаткан Ж.Б. аттуу жарандын Мерседес-Бенц Спринтер үлгүсүндөгү жүк ташуучу унаасын токтотуп, текшерүүгө алышкан. Текшерүү учурунда унаанын ичинен Самсунг А6 үлгүсүндөгү 200 даана уюлдук телефон жана 320 ящикке салынган жүзүм табылган. Унаа эсинин жанында жүктү алып өтүүгө уруксат берген документтер жок болуп чыккан.

Андагы жүктүн баасы жалпы 3 миллион 200 миң сом деп бааланып, тийиштүү документтер толтурулган соң кармалган жаран жүгү менен кошо УКМКнын аймактагы кызматкерлерине өткөрүлүп берилген.