Актриса Моника Беллуччинин сүйүктүүсү өзүнөн 18 жаш кичүү сүрөтчү экени белгилүү болду

Белгилүү актриса Моника Беллуччи жакында берген маектеринин биринде сүйүүгө кабылганын айтып, бирок атын сыр тутканын чет элдик маалымат булактары жазган. 5 жылдан бери башы бош жүргөн актрисанын жүрөгүн багындырган мырзага кызыгуу арткан журналисттер алар чогуу жүргөндө сүрөткө тартып алышкан.

Белгилүү болгондой, актрисанын арзыганы 36 жаштагы франциялык Николя Лефевр аттуу сүрөтчү. Актриса сүрөтчү мырза менен жакын мамиледе экендигин жашырбай, эл арасында ачык жүргөн. Николя түбү Франциядан жана өз өлкөсүндө сүрөт көргөзмөсүн уюштуруп турат.

Ал эми Моника Беллуччинин жакындары актриса франциялык сүрөтчүнү абдан сүйүп калгандыгын жана үлпөт той тууралуу олуттуу ойлонуп жаткандыгын айтышканы жазылат маалыматта.

54 жаштагы актриса мурунку күйөөсү Венсан Кассель менен 2013-жылы ажырашып кеткен. Алардын ортосунда 2 кызы бар.