Жумгалда 47 жаштагы аялдын жана анын эки небересинин өлүмүнө шектүү эки айга камакка алынды

Жумгал районунда 47 жаштагы аялдын жана анын эки небересинин өлүмүнө шектүү жаран эки айга камакка алынды. Бул тууралуу SUPER.KG'ге 25-декабрда Нарын ОИИБинин басма сөз катчысы Медина Султангазиева кабарлады.

Анын айтымында, шектүү эки күн убактылуу кармоочу жайда кармалгандан кийин соттун чечими менен Нарын шаарындагы СИЗОго киргизилди.

21-декабрга караган түнү Жумгал районунун Көк-Ой айылындагы үйлөрдүн биринен өрт чыгып, ичинен 47 жаштагы аялдын жана анын 4 жана 7 жаштагы небересинин жазсыз денеси табылган. Окуя болгон жерге келген милиция кызматкерлери 47 жаштагы аял менен 4 жаштагы небереси зордукталганын, үчөө тең киши колдуу болуп каза болгонун аныкташкан. Андан кийин шектүү катары ошол эле айылдын 29 жаштагы Ш.К. аттуу тургунун кармашкан. Ал күнөөсүн моюнуна алып, окуянын чоо-жайын айтып берген.