КИНОЗАЛ! Эксклюзив: Үй-бүлө куруудагы ысырапкорчулукту чагылдырган "Мегатой 2. Калың" тасмасы SUPER.KG порталында

SUPER.KG порталынын "Кинозал" бөлүмүн Сүйүн Откеев режиссёрлук кылган "Мегатой 2. Калың" тасмасы толуктады. Кыргыз Республикасынын Эмгек сиңирген артисти Мурат Мамбетов, режиссёр жана актриса Ырыс Жоомартова, куудул жана актриса Гүлжайна Атаканова, "Дем" театрынын актёру Эркин Эгембердиев жана башка актёр, актрисалар роль жараткан тасмада үйлөнүүдөгү ысырапкорчулуктар тууралуу баяндалат.

Режиссёр өлкөнүн булуң-бурчундагы болуп жаткан көрүнүштү 1 жарым сааттын ичинде көрөрмандарга күлкү менен жеткирген. Тасма жаратуучу элибиздеги каада-салттардагы айрым эрежелердин жакпай турганын билдирди.

“Бул комедия менен каада-салттардагы мага жакпаган айрым учурларды чагылдыргым келди. Менин оюма каалагандар кошулат, каалабагандар кошулбайт. Эң башкысы, оюмду күлкү менен жеткире алдым. Биз фильмди түндө тартканбыз. Түнкүсүн адамдардын иштөө эффективдүүлүгү төмөндөйт экен. Ошого карабастан аракетибизди кылып, мыкты тасма жаралышына жан үрөдүк. Айрым көрөрмандар тасманын үчүнчү бөлүгү тартылабы деген суроолорду узатышты. Ошондон улам уландысын, тагыраагы, чоң той менен жыйынтыкталган “Мегатой – Финал” тасмасын жаратабыз”, - дейт ал.

Тасма жаңы үйлөнгөн жаш жубайлардын үлпөт тою, калыңы тууралуу болот. Анда кыз берген тарап менен алган тараптын калыңдын баасын ачык эле бычканы, үлпөт той өткөрүүдөгү эрежелердин талкууланышы уруш-талаш менен аяктайт. Андан ары куда-кудагыйлар тил табышабы?

Тасманы көрүү үчүн шилтеме.