ТЕСТ: Туристтердин көз жоосун алып өзүнө азгырган жайларды билесизби?

Ысык-Көлдүн күнгөйүндөгү Тосор айылынан 4 чакырым аралыкта жайгашкан бул чополуу каньондор токтоосуз согуп турган шамалдан улам пайда болгон. Бул жерден кишиге зыяны жок кескелдириктер көзгө урунат. Алар камерадан чочулашпайт, кайра сүрөткө тартканча койкоюп туруп берет. Бул жакка Ысык-Көлгө барган туристтердин бардыгы баш багат.

Виктория шаркыратмасы - дүйнөдөгү эң ири шаркыратмалардын бири. Ал Түштүк Африкадагы Замбези дарыясында жайгашкан. Бийиктиги 120 метр, туурасы 1800 метрди түзөт. Аталган жайда ГЭС курулган, ошондой эле бул жердин туризми жакшы өнүккөн. Шаркыратманы жергиликтүү эл Моси-Оа-Тунья (дүңгүрөгөн түтүн деген мааниде) же Сеонго (көк желе) деп атайт.

Дарактардын жана бутактардын жардамы менен тоннелге айланган Сүйүү тоннели Ровенс облусунун Клевань айылында жайгашкан. Бул жерге сүйүшкөн түгөйлөр келип, өз каалоо-тилектерин айтышат. Бул жер туристтердин да сүйүктүү жерине айланган.

Санкт-Петербургдагы мамлекеттик Эрмитаж музейи романтикалуу музейлердин бири деп аталып, дүйнөдөгү эң атактуу музейлердин тизмесине кирген. Аталган музей 1764-жылы Екатерина II тарабынан негизделген.

Сепил биздин заманга чейинки 3-кылымда Цин династиясы өкүм сүрүп турган кезде курула баштаган. Курулушка Кытайдын ошол кездеги калкынын бештен бир бөлүгү катышкан, башкача айтканда, 1 миллион адам катышкан. Жыл сайын миңдеген туристтер Кытайдын эң негизги символун көрүүгө бул өлкөнү көздөй агылышат.

Түркиядагы Каппадокияга туристтер чоң шарларга түшүп, бийиктиктен вулкандан пайда болгон ландшафт, үңкүр жана каньондорду көрүү үчүн келишет. Чоң шарга түшүүдөн чочулагандар атайын аянтчада ондогон-жүздөгөн түркүн түстөгү шарлар учкан керемет көрүнүшкө бийиктиктен күбө боло алышат. Шарлардын фестивалы жыл сайын жаз мезгилинде өтүп турат.

Фудзияма тоосу – Япониянын символу деп аталат. Аталган тоонун бийиктиги 3776 метрди түзөт. Эң чоң вулкан дагы ушул тоодон атылып чыгат. Жыл сайын Фудзияманы көрүүгө 200 миңдей адам келет, анын ар бир үчүнчүсү чет өлкөлөрдөн келген жер кезерлер болуп саналат.

Ваадху аралы Мальдив Республикасында жайгашкан. Аралдын дагы бир аталышы - бул "Жылдыздар деңизи". Караңгы киргенде асмандагы жылдыздар жерде тургандай түр калтырат. Көк жарыкты деңиз микроорганизмдери жаратышат. Бул аралга жаш жубайлар көбүнчө бал айын өткөрүү үчүн чет жактан атайын келишет.

Троллдун тили деп аталган жер Норвегиядагы Одда шаарына жакын жерде Рингедалсватн көлүнөн 700 метр бийиктикте жайгашкан. Чокуга чыгуу үчүн кеминде 5 саат убакыт кетет.

Хеопс пирамидасынын жанына башын көтөрүп жаткан арстандын тулку бою чегилип, бирок арстандын башынын ордуна кишинин, тактап айтканда, фараондун өзүнүн узун чачтуу башы чегилген.

Дүйнөдөгү эң чоң атчан статуя болуп саналган Чыңгыз хандын эстелиги Монголияда жайгашкан. Статуянын бийиктиги – 40 метр, салмагы 250 тонна. Эстеликтин алдында 10 метрлик постаменти да бар.

Шейх Заид мечити Бириккен Араб Эмираттарынын борбору Абу-Дабиде жайгашкан. Аталган мечит дүйнө жүзүндөгү эң чоң 6 мечиттин катарына кирет. Бул мечиттин курулушу 1996-жылы башталып, 2007-жылы аяктаган. Ал эми ачылышы Орозо айында болгон.

"Алтын дарбаза" көпүрөсү АКШнын Калифорния штатында жайгашкан. Аталган көпүрө Сан-Франциско шаары менен Марин аймагын бириктирүү үчүн курулган. Анткени көпүрө курулганга чейин ал жактын эли суу үстүндө кайык менен катташкан. Бул аймак менен шаардын байланышын кыйындаткан. Ошол себептен жергиликтүү элдин сунушу менен асма көпүрө курулган.

Байыркы Римдин символу Колизей император Веспасиан Флавийдин учурунда курулуп, анын уулу Тит тарабынан ачылган. Колизейдин ачылыш салтанатына багышталган той 100 күнгө созулган.