КТРКнын Байкоочу кеңешинин мүчөсүнө талапкер Чынар Капарова көп добуш алды. Бирок чечим жокко чыгарылып, депутаттар кайрадан добуш бермей болушту

Бүгүн, 30-январда Жогорку Кеңеште КТРКнын Байкоочу кеңешинин мүчөсүн шайлоо талкуу жаратты. Депутаттар жашыруун добуш беришти.

Анда эң көп добушту талапкер Чынар Капарова алды. Ага 79 депутат "макул", 16сы "каршы" деп добуш беришти.

Маркабай Аматовго "макул" - 31, "каршы" - 51;

Атыркүл Сарыбаевага "макул" - 60, "каршы" - 33;

Мирбек Мырзабековго "макул" - 22, "каршы" - 64;

Вице-спикер Аида Касымалиева Нургазы Мусаев деген талапкер жыйынга келбегени үчүн ага добуш берилбегенин айтты. Анда депутаттар келбей койгон талапкерге добуш бербей коюу болбой турганын билдирди. Депутат Садык Шер-Нияз Нургазы Мусаев бул боюнча Жогорку Кеңешти сотко берсе болот деген пикирин айтты.

Садык Шер-Нияз кайрадан добуш берүүнү сунуштады.

Депутат Мирлан Жээнчороев талапкерлердин баяндамасын угуу керектигин билдирди.