Таласта таксист кардарын зордуктаган. Ал үй камагына чыгарылды

Таласта аялды зордуктаган деп шектелген таксист үй камагына чыгарылды. Маалыматты SUPER.KG порталына Облустук ички иштер бөлүмүнүн басма сөз кызматкери Динара Сарногоева тастыктады.

Анын айтымында, окуя 31-январга караган түнү болгон.

"Аймактык ички иштер бөлүмүнө 38 жаштагы аял арыз менен кайрылган. Ал арызында Бишкектен Таласка жетүү үчүн таксиге отурганын жана Таласка жеткенде башка жүргүнчүлөр түшүп калып, унаада айдоочу менен жалгыз калган учурда таксист күч колдонуп зордуктаганын белгилеген. Окуяга шектүү катары 29 жаштагы Бакай-Ата районунун тургуну кармалган. Бирок соттун чечими менен шектүү ушул жылдын март айына чейин үй камагына чыгарылды.

Окуя Кылмыштардын жана жоруктардын бирдиктүү реестрине катталып, сотко чейинки өндүрүшкө алынды. Иликтөө иштери уланып жатат", - деди басма сөз катчы.