Ырчы Курал Чокоев продюсерликке аттанды

Убагында Кыргыз өлкөсүнүн желегин эл аралык сынактарда желбиреткен эстрада ырчысы Курал Чокоев продюсерлик иш баштаганы турат. Бул тууралуу маалымат алуу үчүн ырчынын өзүнө байланышканыбызда төмөндөгүлөргө токтолду:

"Шерхан Абкулов аттуу жигитке продюсерлик кылып баштадым. Бул жигит менин өкүл балам болот. Шоу-бизнеске аралашканына көп убакыт болду. Ыр, клиптери бар. Аны өзүмдүн көзөмөлүмө алдым, буюрса, сахнага чыгаралы деген жакшы ойлорубуз бар. Жакында эле "Кыздар, ай" аттуу ырды жаңыртып, дуэт аткардык", - дейт Чокоев.