Орусияда кыргызстандыктарды тоноп жүргөн жалал-абаддык 7 жаран кармалды

Кыргызстандын жана Орусиянын укук коргоо кызматкерлеринин биргелешип жүргүзгөн ишинин натыйжасында Алманбет Анапияевдин уюшкан кылмыштуу тобунун мүчөлөрү кармалды. Бул тууралуу бүгүн, 23-июлда маалымат жыйынында ИИМдин уюшкан кылмыштуулукка каршы күрөшүү бөлүмүнүн жетекчиси Рафик Мамбеталиев билдирди. Айтымында, ал топко кирген 7 жаран Жалал-Абад облусунун тургундары. “Алар 7 жыл бою эл аралык издөөдө жүрүшкөн. Москвада алар кыргызстандыктарды уурдашып, токойго алып барышып, аларды тоноп жүрүшкөн. Учурда аларды экстрадициялоо тууралуу маселе каралууда”,- деди ал.