Трамп Мексиканын чек арасына дубал куруу үчүн каражат бөлүнбөй калса, кырдаал оор болорун эскертти

АКШнын президенти Дональд Трамп Мексиканын чек арасына дубал куруу үчүн каражат бөлүнбөй жатканын айтып, өзгөчө кырдаал режимин жарыялай турганын белгилеген. Бул тууралуу чет элдик басылмалар жазып чыгышты.

Трамп Мексика менен чек ара куруунун алгачкы баскычына 5,7 миллиард доллар сурап жатат. Ал эми АКШ Конгрессиндеги демократтар менен республикачылар өлкөнүн түштүк чек арасындагы коопсуздук маселеси боюнча болжолдуу макулдашуу долбоорунда 1 миллиард 375 миң доллар каралууда экенин айтышкан.

Мындай сумма аздык кыларын АКШ президенти билдирди. Учурда ал чек ара дубалын курдуруу үчүн башка булактардан каражат издеп жатканын белгилеген. Анткени Трамп шайлоо учурунда Мексика менен чек ара дубалын курууну убадалаган. Ага жалпы 20 миллиард доллардан ашык каражат керектелиши мүмкүн.