Милиция кызматкерин бычак менен сайды делген айыпталуучу 7 жылга эркинен ажыратылды

Милиция кызматкерин бычак менен сайды делген айыпталуучу 7 жылга эркинен ажыратылды. Бул тууралуу Бишкек шаарынын Ленин районунун ички иштер бөлүмүнүн маалымат кызматынан кабарлашты.

Маалыматка ылайык, айыпталуучу О.К.Т. аттуу жаран 2018-жылы 6-январда кечки саат 22:30дар чамасында Бишкектеги Кулиев жана Рыскулов көчөлөрүнүн кесилишинде жанындагы адамды сабаган. Ленин райондук ички иштер бөлүмүнүн кызматкерлери көчөдө эки адам жаңжалдашып жатканын көрүп, эмне себептен урушуп жаткандарын сурашкан. Ошол учурда айыпталуучу мас абалында милиция кызматкерин бычак менен бутка сайган. Бүгүнкү күнгө чейин тергөө иштери жүрүп, айыпталуучу кылмыш ишин моюнуна алган.