Супер-Инфо
super.kg видео
ЭЛДИК КАБАР: Ошто бала бакчада тарбиячыга белек берүү үчүн акча чогултуп жатышканын айткан окурман нааразычылыгын билдирди
Ошто Жапалак айыл өкмөтүндөгү бала бакчада тарбиячыга белек берүү үчүн акча чогултуп жатышат. Бул тууралуу SUPER.KG порталынын "ЭЛДИК КАБАР" бөлүмүнө байланышкан окурман билдирди.
"Тарбиячылар уялбай эле майрамга акча чогултуп калышкан. Балдарга тамак-аш, кийим-кече алып бергенди араң эптейбиз. Майрам деп акча чогултушканы ашыкча. Бербесең балаңа жакшы мамиле жасабайт. Акчаны ата-энелер комитети чогултуп жатат деп астына жазып коюшат, бирок өздөрү эле жазат. Ар майрамда ушундай. Иштеп акча тапкандарга билинбейт. Иши жок, араң тиричилик кылгандарга кыйын эле болуп жатат", - деп нааразычылыгын айтты.
Окурман жөнөткөн катта мугалимдерге майрамдык маанай тартуулоо максатында каражат топтолуп жатканына байланыштуу тарбиячыга белек берүү үчүн 100 сом, жардамчысына белек берүү үчүн 50 сомдон чогултулуп жатканы жазылган.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
-3
1 | 2 |