Таластык дыйкандар 1 гектар жерден 27 центнерден буудай алууда

Учурда Таласта эгин жыйноо иштери кызуу уланып жатат. Өкмөттүн облустагы өкүлчүлүгүнүн агрардык секторунун жетекчиси Абай Шатманов билдиргендей, 24-июлга карата бардык жыйнала турган 10 835 гектар аянттагы буудайдын 2 038 гектары жыйналды. Бул жыйналган эгиндин 18 пайызын түзөт. “Буудайдын түшүмдүүлүгү гектарына 27 центнерден, арпаныкы 21,8 центнерден айланууда. Бул көрсөткүч былтыркыга салыштырмалуу 1,5 центнерге көп”,- деди Шатманов.