Бишкекте турак үйдөн чыккан өрт толук өчө элек

Бүгүн, 11-март күнү саат 18:22 чамаларында Бишкектеги Свердлов районунун Сеченов көчөсүндө жайгашкан турак үйлөрдүн бири өрттөнүп жатканы кабарланган. Өрттү өчүрүү үчүн айтылган дарекке 5 өрт өчүрүү тобу жана куткаруучулар барган. Андан сырткары милиция менен "Тез жардам" кызматы да барган.

Өзгөчө кырдаалдар министрлиги өрт саат 20:14тө чектөөгө алынганын, бирок дале толугу менен өчүрүү иштери жүрүп жатканын кабарлады.

Алдын ала алынган маалыматтар боюнча кырсыктан жабыркагандар жок.