ТЕСТ: Тимати бургерди эмнеге кол кап менен жейт? Шилекей агызган тесттен өтүңүз

Бүгүнкү күндө айрым кафелерде жана ресторандарда бир ирет колдонулуучу кол каптар берилет. "Тамактануу учурунда кардардын колу булганбайт жана тамактангандан кийин колу жыттанбайт" деп түшүндүрүлөт. Жарнамалык роликтерде жана сүрөттөрдө бул кол каптардын атайылап көрсөтүлгөнүн да байкаса болот.

Кыргыз Республикасынын тургундары самсаны абдан жактырышат, бирок өлкөнүн аймагында бул тамактын эстелиги жок.

Белгилүү түркиялык ашпозчу Нусрет Гөкченин лакап аты Солт Бае. Анын ресторанына дүйнөнүн спорт, шоу-бизнес жылдыздары келишет. Солт Бае этти туурап, туздоо ыкмасы менен таанымал.

Татар элинин улуттук ашканасынын тамагы учпучмак "үч бурчтук" деп которулат. Анын ичине койдун, үйдүн, тооктун же өрдөктүн эти жана картошка кошулат.

Люля-кебаб — Кавказда, Орто Азияда жана Түркияда кеңири жайылган шишкебектин түрү. Аны жасоо үчүн фаршты (майда тууралган эт) шампурга жармаштырып, мангалда кактоо керек.

2017-жылы Германиянын Пильстинг шаарында дүйнөдөгү эң чоң гамбургер жасалган. Анын салмагы 1164 килограммды түзгөн, бул тамакты жасоого 300 адам катышкан. Буга чейинки рекорд 914 килограмм болчу.

1900-жылы 27-июлда Луи Лессинг аттуу америкалык гастроном Коннектикут штатындагы өзү төрөлгөн Нью-Хейвен шаарында дүйнөдөгү биринчи гамбургерди саткан. Ал эки тоголок булочканын ортосуна немис бифштексин коюп, соус жана салат жалбырагын кошкон.

Гамбургерге арналган эстелик Кытайдын Шеньян шаарында коюлган. Анын бийиктиги 10 метр, салмагы 2 тоннадан ашык. Кытайлыктар фаст-фудду жактырган калктардын катарына кирет.

Бишкекте фаст-фуд жасоочу жайларда шаурманын орточо баасы 90-120 сом, аймактарда 70-90 сом. Дүйнөлүк баалар менен салыштырсак, Кыргыз жергесинде шаурма эң арзан. Кыргыз валютасына которгондо, Түркияда шаурманын баасы 120 сомдон жогору, Орусияда - 120-160 сом, Европа шаарларында 160 сомдон жогору.

Пицца Италиянын улуттук тамак-ашы болуп эсептелинет. 16-кылымда Түштүк Америкадан Европага помидорлор алып келине баштап, 1522-жылы Неаполдо эң биринчи италиялык пицца пайда болгон.

Чикенбургер – бул тооктун эти кошулган фаст-фуд. Англис тилинен "Chicken" ("чикен") "тоок", "burger" ("бургер") "май сүйкөлгөн нандын сындырымы" деп которулат.

2018-жылы АКШда хот-догдорду ылдам жеш боюнча сынак өтүп, 34 жаштагы америкалык Жоуи Честнат жеңишке жеткен. Ал 10 мүнөттүн ичинде 74 хот-дог жеп түгөткөн. Азыркыга чейин анын рекордун эч ким баса элек.

Франшиза - бул белгилүү соода маркасын (брендди) пайдалануу боюнча анын ээси менен түзүлгөн келишим. Мисалы, фаст-фуд саткан белгилүү компаниялар франшиза сатып, өзүнүн тамактануучу түйүндөрүн көбөйтө алышат. Франшизаны сатып алган адам компаниянын эрежелерин жана технологияларын пайдаланышы керек.

Чизбургер (англисче "Cheese" - сыр, "burger" - май сүйкөлгөн нан) — сыр кошула турган гамбургердин түрү. Эт кайсы жаныбардыкы экени маанилүү эмес. Көп учурда чизбургердин баасы жөнөкөй гамбургерден кымбатыраак болот. Сырдын кошулгандыгынан улам чизбургердин калориялуулугу 20 пайызга көбүрөөк болот.