Супер-Инфо
super.kg видео
ЭЛДИК КАБАР: "Дыйкандар күйдү! Картошка 5 сом, алма 10 сом, баары чирип жатат" дейт окурман
Быйыл дыйкандар бардык жагынан күйдү. Эмне айдабайлы, баары жумшалган эмгекти актаган жок, чекесинен чирип, сата албай чыгым тарттык. Мындай маалыматты окурман "ЭЛДИК КАБАРГА" билдирди.
"Мен Ноокат районунан болом. Бизде картошканын килограммы 5 сом, алманыкы 10 сом болуп жатат. Дыйканчылык өзүн актабай, быйыл эмне айдабайлы, пайда алып келгендин ордуна зыян тарттырды. Дыйкандардын өндүргөнүн сатууга көмөк көрсөтүүнүн үстүнөн иштеген бирөө-жарым барбы? Ишенген адамдарыбыз Тиматинин кара бургеринде жүрүшөт дейби?
Менин айдаган картошкам менен алмам чирип жатат. Бул жалгыз эле менин эмес, бүткүл өлкөдөгү дыйкандардын көйгөйү", - дейт окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |