Дүйнөдөгү эң кирешелүү компания аныкталды

Аналитикалык компаниялардын изилдөөлөрүнүн жыйынтыгында Сауд Арабиясындагы Saudi Aramco нефть компаниясы эң көп киреше тапкан компания деп табылды. Бул тууралуу чет элдик басылмалар жазышууда.

Маалыматка ылайык, аталган компаниянын 2018-жылдагы таза кирешеси 111 миллиард 100 миллион доллар таза киреше тапкан. Ал эми 2-орунга 59 миллиард 500 миллион доллар кирешеси менен Apple, 3-орунга 35 миллиард 100 миллион доллары менен Samsung компаниясы жайгашкан. Ошондой эле нефть өндүрүүчү компаниянын кирешеси Apple, Google жана Exxon Mobil сыяктуу дүйнөлүк бренддердин кирешелеринин жалпы суммасынан ашып өткөн.

1933-жылы негизделген Saudi Aramco компаниясы нефть өндүрүүнүн көлөмү боюнча дүйнөдө биринчи орунда турат. Компаниянын баасы болжолдуу 10 триллион долларга бааланат.