Ош. Шаарда күнүнө 15-20 жолбун ит атылат

Ош шаарындагы “Тазалык” ишканасы күн сайын 15-20 жолбун ит атууда. Иттерди атуу саат 05:00дөн башталып, 09:00гө чейин уланат. Тактап айтканда, көчөдө тургундар аз мезгилде жүргүзүлөт. Аталган мекемеде учурда 2 ит атар адис эмгектенет. “Кээ бир учурларда шаар тургундары өздөрү телефон чалып чакырышат. Андай учурда да эки кызматкер барып иттерди атып келишет”,- дейт мекеменин маалымат катчысы Алибек Адылбеков. Ошондой эле аталган ишкана күнүнө 650 метр куб таштандыны шаардан чыгарат.