ЖЭБ соту. Энергетиктерди 2,5 жылдан 5 жылга чейин эркинен ажыратуу суралды

Бишкек шаарынын Биринчи Май райондук сотунда Бишкек ЖЭБиндеги өндүрүштүк кырсык боюнча кылмыш иштеринин бири каралды. Мамлекеттик айыптоо соттон "Коммерциялык же башка уюмда ыйгарым укуктарын кыянаттык менен пайдалануу" беренеси боюнча айыпталган энергетиктерге төмөнкү жазаларды сурады.

1) "Улуттук энергетикалык холдинг" компаниясынын мурдагы төрагасы Айбек Калиевди 2 жыл 6 айга эркинен ажыратуу жана 50 миң сомду төлөөгө милдеттендирүү;

2) "Улуттук энергетикалык холдинг" компаниясынын төрагасынын мурдагы орун басары Нурлан Садыковду 2 жыл 6 айга эркинен ажыратуу жана 50 миң сомду төлөөгө милдеттендирүү;

3) "Электр станциялар" компаниясынын мурдагы башчысы Узак Кадырбаевди 2 жыл 6 айга эркинен ажыратуу жана 50 миң сомду төлөөгө милдеттендирүү;

4) ЖЭБдин мурдагы башчысы Нурлан Өмүркул уулун 5 жылга эркинен ажыратуу жана 100 миң сомду төлөөгө милдеттендирүү;

5) ЖЭБдин мурдагы башкы инженери Нургазы Курманбековди 5 жылга эркинен ажыратуу жана 100 миң сомду төлөөгө милдеттендирүү.