Бишкекте дүкөнгө түндө бет капчан кирип, кассирди тапанча менен коркутуп акчасын алып кеткендер изделүүдө

Борбор калаада бет капчан дүкөнгө кирип, тапанча менен кассирди жана күзөтчүнү коркутуп кассадан 35 миң сом алып кеткен адамдар изделүүдө. Бул тууралуу SUPER.KG порталына Ички иштер министрлигинен билдиришти.

Маалыматка ылайык, окуя 28-апрелге караган түнү саат 00:30 чамасында 12-кичи районундагы дүкөндө орун алган. Дүкөндү карактоо учуру видеого түшүп калган. Анда бет кап кийген эки адам тапанча менен дүкөнгө кирип, кассир менен күзөтчүнү коркутуп кассадагы 35 миң сомду алып кетишкен.

"Аталган факт Кылмыштардын жана жоруктардын бирдиктүү реестрине катталып, Кылмыш-жаза кодексинин "каракчылык" беренеси менен кылмыш иши ачылды. Кылмыштын бетин ачуу максатында Криминалдык милиция, Бишкек ШИИББинин, Октябрь РИИБинин тажрыйбалуу кызматкерлеринен тергөө тобу түзүлүп, учурда кылмышкерлерди издөө иштери жүрүүдө", - деп билдиришти ИИМден.