Бишкекте өтүп жаткан Урмат менен Нелянын концертинде зал 100 пайызга толду

Бүгүн, 30-апрелде Бишкекте Кожомкул атындагы спорт сарайында кыргыз шоу-дүйнөсүндөгү бал шириндер Урмат Усенов менен Неля 2-күндөгү концертин берүүдө. Концертке келген эл залдын 100 пайызын түздү. Концертте алып баруучулук милдетти Айзада Жамгырчиева менен Алмаз Шер аркалап жатышат.

Алгач концертти "Агама" бийчилер тобу бий менен ачып берген соң, үлгүлүү, жылдыздуу түгөйлөр чыгышты. Эл менен учурашып, "Багым бар" аттуу ырды аткарышты. Андан соң чыгармаларынан "Энекем" аттуу ырын аткарып, Урмат Усенов өз апасына белекке гүл сунду.

Концертке бал шириндерди куттуктап ырчылар Съездбек Искеналиев, Фарида Карбосова, Сема, Максат Садырбеков жана башкалар келишти. Ошондой эле түгөйлөрдү куттуктап келген Султан Садыралиев жандуу ырдап, залдагы элдин купулуна толду.