ТЕСТ: Коркпоңуз, спойлер жок! "Марвел" тасма ааламы, "Өч алуучулар" жөнүндө эмнелерди билесиз?

Танос жок кылуу максатында барган планеталардын бири Зен-Хоберис. Ал жактын элин кырып жатып, тайманбас кичинекей Гамораны кезиктирет. Анын коркпогон мүнөзүнө кызыгып, өзү менен кошо алып кетет. Лифомоиддердин үй-бүлөсүн жок кылганы келген Танос ал жактан да Небуланы жалгыз тирүү алып калып багып алат. Гамора менен Небуладан киши өлтүргүч жоокерлерди даярдап жатып, Небуланы кибернетикалык протезге чулгайт.

Доктор Стрэндж дасыккан хирург, башкалар айыкпайт деп тыянак чыгарып койгон оор операцияларды жасаган дарыгер болот. Ал жол кырсыгына кабылып, колдору калтырап, операция жасоого жараксыз болуп калат. Дарттан айыгуунун айласын издеп Камар-Тадж үйүнө барат. Ал жактан байыркы устаттан сыйкырчылык өнөрүн үйрөнүп, "убакыт" ташына ээ болот.

“Капитан Марвел” тасмасы "Марвелдин" тасма ааламындагы 21-кино. Ал 2019-жылдын 7-мартында чыккан.

Асгард - асгард эли байырлаган 9 дүйнөнүн бири. Ал кичинекей планетардык тело. Асгардды башында Бёр, андан кийин анын баласы Один башкарган. Одиндин балдары Тор, багып алган баласы Локи жана кызы терс каарман Хела Одинсдоттир.

Питер Квилдин баарынан жакшы көргөн жана эч кимдин колун тийгизбеген буюму - музыка уккан аудиоплеери. Питердин апасы рак дартына чалдыгып, каза болордун алдында өзү жаш кезинде угуп жүргөн ырлар жыйнагын калтырып кетет. Ошол себептен, Квил үчүн анын аудиоплеери жана ырлар жыйнагы абдан баалуу саналат.

"Капитан Марвел" тасмасын көргөн болсоңуз, Щ.И.Т. уюмуна жаңы ишке орношкон Ник Фьюри дүйнөгө коркунуч жаралган учурда андан коргоо үчүн кандай чара көрүү керек экенин ойлонуп, план түзөт. Пландарынын биринде өзгөчө күчтөргө ээ адамдарды бир отрядга чогултуу идеясы болгон. Бул демилге "Өч алуучулар" деген ат менен ишке ашат.

Вибраниум металлы бир гана Ваканда өлкөсүндө өндүрүлөт. Ал эми супер жоокер Стив Роджерске аны "Темир киши" Тони Старктын атасы жасап берген. Тасмада вибраниум абдан катуу металл, вибрацияга туруштук берген, согуштук куралдарды жасоого бышык келет деп сүрөттөлөт. Стивдин калканы бумеранг куралына окшош - аны кайда ыргытса кайра өзүнө кайтып келе берет.

"Марвелдин" тасмалар ааламынын баш жагындагы бөлүктөрүндө Тони Старктын ата-энеси эмне болуп өлгөнү айтылганы менен, алардын өлүмүнө ким себепкер экени ачыкталбайт. Бул сыр "Капитан Америка: Каршы туруу" тасмасынын 3-бөлүгүндө белгилүү болот. Супер жоокер даярдоо үчүн иштеп чыккан дарыны окумуштуу Говард Старк аялы Мария менен алып кетип баратканда "Кышкы жоокер" Баки Барнс ГИДРА тарабынан жиберилип, аларды өлтүрөт.

"Марвелдин" тасма ааламында чексиздик таштарынан алтоо көргөзүлөт. Алгач ааламда боштук болгон, андан кийин бум! Жарылуу болуп, андан соң космос 6 куймага бөлүнөт. Алар: мейкиндик, реалдуулук, күч, жан, акыл жана убакыт. Аталган таштар бир жерге чогулганда эбегейсиз зор күч пайда болот.

"Капитан Америка" Стив Роджерске кубат берүүчү атайын дары сайылат. Ал дары адамдын жан дүйнөсүндө эмне болсо, ошону өнүктүрөт. Стив Роджерсте гумандуулук, адамгерчиликтүүлүк, жана адамга мүнөздүү жакшы сапаттар бар болгондуктан татыктуу жоокер чыгат. Ал эми Иоганн Шмидт тескерисинче жаман каарман болгондуктан ал терс мүнөздөргө ээ адам болуп чыгат. Ага дары тескери таасирин берип, териси кызарып, башынын баш сөөгү эле калат.

Дүйнө жүзүндө бир нече согуш, кыйроолор, космостук күчтөрдүн чабуулу, Нью-Йорк шаарына Читаури аскерлеринин кол салуусу, Африкадагы жарылуудан улам адамдардын жана Т'Чалланын атасынын өлүмү, Заковиядагы кыргын... Мунун баарында адам өмүрлөрү кыйылгандыктан, эл аралык уюмдар БУУга кайрылып, "Өч алуучуларды" бийликтин башкаруусуна өткөрүүнү сурашат. Мындан улам Заковия келишими түзүлүп, "Өч алуучулардын" жарымы ага каршы чыгып, эки жаатка бөлүнүп кетишет.

Роберт Брюс Беннер - биохимия, ядерлик физика жана гамма-нурдануу жаатындагы аты чыккан окумуштуу. Анын Стив Роджерске сайылган "Супер жоокер" дарысын кайра иштеп чыгуу иши ийгиликсиз аяктап калат. Ал вита-нурдануунун ордуна гамма-нурдануу ыкмасын колдонот. Жыйынтыгында Беннер эбегейсиз күчкө ээ, териси калың жашыл Халкка айланып кетет.

Тони Старктын атасы Говард Энтони Уолтер Старк - окумуштуу, ойлоп табуучу, инженер, кинорежиссёр, бизнесмен жана Stark Industries компаниясынын негиздөөчүсү.

Питер Бенджамин Паркер 2001-жылы төрөлгөн. Питер кичинекей кезинде ата-энеси каза болуп калып, аны туугандарынын бири Мэй багып алат. Ал чоңоюп илим жана техника багытындагы Мидтаун мектебинде окуйт. Ал жөргөмүштүкүндөй желе жасап чыгып, муну жашырганына карабай Тони Старк билет. Старк Паркерди "Өч алуучулардын" жарандык согушуна катышууга үндөп, ал жактан жаңы технология менен жабдылган костюмга ээ кылат.