SUPER TV: Тагдыр. “Жигитимдин ата-энеси менен таанышарда кырсыкка кабылдык. Ал каза болду, мен баспай калдым”

SUPER TV`га 27 жаштагы Нуржан Абаева аттуу каармандын тагдыры тууралуу даярдалган видео жарыяланды. Анын жашоосу акыркы 8 жылдан бери төрт дубалдын ортосунда өтүүдө. Ал 2011-жылы автокырсыкка кабылып, бир эле учурда сүйүктүү адамынан жана басуу мүмкүнчүлүгүнөн ажырап калган. Ошондон бери ден соолугунун мүмкүнчүлүгү чектелгендердин арабасында бутка туруу деген тилек, кыял менен жашап келет.

"Жигитим экөөбүз досторубуз менен бирге эс алууга баралы деп сүйлөшкөнбүз. Бирок апам, түгөйүм (ред. Нуржан Абаева эгиздин түгөйү) каршы болушту. Мен аларды укпай эле жолго чыгып кеттим. Анткени жигитим ата-энеси менен да тааныштыра келмек. Бирок жолдон айдоочу уктап кетип, автокырсыкка кабылдык. Сүйүктүүм каза болуп, мен баспай калдым. Балким ошондо апамды угуп, жолго чыкпасак мындай болбойт беле деп азыркыга чейин өкүнөм", - дейт ал.

"Мен дагы эл катары бутка туруп, эне бактысына ээ болгум келет" деген каарманыбыз дарыгерлердин кароосуна муктаж. Анын баяны менен таанышып, жардам берүүнү кааласаңыз төмөндөгү видеого баш багыңыз.