Жалал-Абадда болгон жер титирөө бир топ шаарларда жана айылдарда сезилди (тизме)

11-майда саат 5:00 чамасында Жалал-Абад облусунун аймагында жер титиреди. Бул тууралуу Сейсмология институтунун басма сөз кызматы билдирди.

Маалым болгондой, жер титирөөнүн күчү очогунда 4 балл болду. Ал эми жакын жайгашкан шаарларда жана айылдарда төмөнкүдөй сезилди:

Күмүш-Азиз, Жар-Кыштак, Ладан-Кара айылдарында жана Сузак райондук борборунда 4 балл;

Жийде, Жаңы-Жер, Таш-Булак айылдарында жана Жалал-Абад шаарында 3 жарым балл;

Көк-Жаңгак, Кара-Суу жана Базар-Коргон шаарларында 3 балл;

Өзгөндө жана Масыда 2 жарым балл.

ӨКМнын маалыматы боюнча жер силкинүүнүн кесепетинен кыйроолор жана жабыркагандар болгон жок.