"Ырчы Мирбек Атабековдун апасын катуу сабап, 70 миң доллар акчасын уурдап кетти деген маалымат жалган. Баары жакшы" дейт ырчынын жубайы

Бишкекте Мирбек Атабековдун апасын белгисиз адамдар катуу сабап, 70 миң доллар акчасын уурдап кетишти деген маалымат жалган экенин бүгүн, 13-майда SUPER.KG порталына ырчынын жубайы Мээрим Төлепберген билдирди.

"Азыр бизге телефон чалуулар болуп, бул тууралуу сурашты. Жок, андай болгон жок, тарап жаткан бул маалымат жалган. Баары жакшы, апабыз жакшы жүрөт", - деди ырчынын жубайы.

Буга чейин жергиликтүү маалымат булактарына Мирбек Атабековдун апасы жашаган Октябрь районундагы Гвардейская көчөсүндө жайгашкан үйлөрдүн бирине белгисиз 3 адам беткапчан кирип, тоноп кетишкени жазылган. Анда белгисиз адамдар ырчынын апасын катуу ур-токмокко алып, колдорун байлап баалуу буюмдарын алып кетишкен деп жазып чыгышкан. Келтирилген чыгымдын жалпы суммасы 70 миң долларды түзгөнү жазылат маалыматтарда.