Батукаевдин иши боюнча суракта Рысалиевдин жүрөк оорусу кармадыбы? Депутаттын жообу

Интернетке депутат Зарылбек Рысалиев Азиз Батукаевдин иши боюнча суракта жүрөк оорусу кармап жыгылыптыр деген маалымат жарыяланды.

Зарылбек Рысалиев SUPER.KG порталына билдиргендей, ал суракка кечээ, 15-майда барганын айтты. "Жыгылбай эле, жакшынакай отурам. Учурда жанымда 5-6 киши отурат. Суракка кечээ күнү барып келдим", - дейт ал.

Жогорку Кеңештин жыйынында ал бул маселени көтөрдү. "Мен жүрөк оорусу кармап өлүп кала тургандай жөнөкөй киши эмесмин. Тирүүмүн, жакшынакай эле жүрөм. Отуруп тур десеңер отуруп-турайын, отжимание кыл десеңер отжимание кылайын", - дейт депутат.

2013-жылдын 9-апрелинде Нарын шаардык соту Батукаевди "айыккыс дартка чалдыкты" деген жүйө менен бошотуп, ал ошол эле күнү өлкөдөн чыгып кеткен. 17-апрелде башкы прокурор Өткүрбек Жамшитов Жогорку Кеңеште отчёт берип жатып, "мыйзамдагы уурунун" иши январдан баштап кайра каралып жатканын билдирген. Маалыматта белгилүү болгондой, Батукаевдин абактан мыйзамсыз бошотулушу боюнча ишти Башкы прокуратура кайра карап, андан ары улантуу үчүн ИИМдин Тергөө кызматына өткөрүп берген.

Азиз Батукаев түрмөдөн бошотулуп, өлкөдөн чыгып кеткен чуулуу окуя учурунда Рысалиев Жаза аткаруу мамлекеттик кызматынын башчысы болчу.