"Супер хитке" Гүлзат Мамытбектин "Менин колумдан келет" клиби кошулду

SUPER.KG порталынын "Медиа-портал" бөлүмүндөгү "Супер хит" долбоору кыргыз эстрада ырчыларынын видеоклиптерин колдонуучулардын сынына коёт. Сынактын шарты боюнча колдонуучулардын добушу аркылуу 10 клип электен өтүп, ар аптанын жеңүүчүсү аныкталат.

Аптанын шаршемби күнү добуш берүү токтотулуп, кайсы видеокомпозиция канчанчы орунда экендиги жарыяланат. Эң аз добуш алган клип "Супер хиттен" четтетилип, анын ордун жаңы ыр толуктайт.

Бул аптада эң аз добушка ээ болгон Турдакун Ниязалиевдин "Ак ниет" аталышындагы чыгармасынын клиби "Супер хиттен" четтетилип, анын ордуна Гүлзат Мамытбектин "I can" ("Менин колумдан келет") аттуу ырына тартылган клиби кошулду. Тандалма клиптердин катарын толуктоого талапкер чыгарманын автору Гүлзат Мамытбек клиптин бет ачарында буларга токтолгон.

"Клиптин продюсери Алим Серебров z-pop деген жаңы багыттагы стилди ойлоп таап, мен аны өркүндөтүүгө салым коштум. Эмне үчүн "z" деген тамга? Бул "кыргыз" деген сөздүн акыркы тамгасы. Клипке жалпысынан канча суммадагы каражат кеткенин билбейм, себеби чыгымды эсептеген жокмун. Эң негизгиси клипмейкер керек деген сумманы берип жаттым".

Ошондой эле ырчы "бул чыгарма жаштарды ойготот" деген пикирин айтат.

15-МАЙДАН 22-МАЙГА ЧЕЙИНКИ ДОБУШ БЕРҮҮНҮН ЖЫЙЫНТЫГЫ:

10-орунду Турдакун Ниязалиевдин "Ак ниет" аталышындагы ыры ээлеп, аз добуш катары саналгандыктан, сынактан четтетилди.

9-орунду Нияз Абдыразаковдун "Жубайым" чыгармасы багындырды.

8-орунда Кенже Дүйшеева менен Кубаныч Сатаевдин "Жан досум" видеоклиби жайгашты.

7-орунду Алмаз Шаадаевдин "Жаркыным" видеокомпозициясы камсыздады.

6-орунга өткөн аптада кошулган Фарида Карбосованын "Ашыгам" аттуу ырына тартылган клиби чыкты.

5-орунду Самара Каримова менен Данияр Эрматовдун "Тунук сүйүү" клиби ээледи.

4-орунду Мирбек Иманбеков менен Наргиза Айтемированын "Жаным" клиби алды.

3-орунга Баястан менен Тамганын "Сени жактырам" чыгармасы жайгашты.

2-орунда Эрлан Андашев менен Ирина Шоттун "Жаным, жаным" чыгармасы келе жатат.

1-орун Гүлжигит Сатыбековдун "Жаштык ыры" аталышындагы чыгармасына буюруп, алдыңкы саптан орун ээледи.

Сүйүктүү видеоклибиңизге добуш берүү үчүн шилтеменин басыңыз.