Супер-Инфо
super.kg видео
ТЕСТ: Зарыл ишиң болбосо да Баткенге бир барып кел
Баткен - өлкөнүн түштүк-батышында жайгашкан жаш облус. Аймактагы тургундардын жашоо шарты, маданияты, сүйлөгөн сөздөрүндө айырмачылыктар бар экени белгилүү. "Зарыл ишиң болбосо Зардалыда эмне бар?" деген сөздү уккан чыгарасыз. Дал ошол Зардалы Баткенде жайгашкан. Өзүнө гана таандык болгон өзгөчөлүгүн көрө билүү үчүн бир барып келген оң. Алгач Баткен тууралуу эмнелерди билериңизди текшерүү үчүн тесттен өтүп көрүңүз. Өрүк бышып турган маалда өрүкзарга ээрчишип барганга не жетсин.
кошулду
1
2
3
4
5
6
7
8
9
10
11
12
13
14
15
Баткенде жолдо чогуу бара жаткан киши "чай ичебиз" десе эмне кылуу керек?
Баарлашуу бүткөндө Баткенде көбүнчө "үйгө жүрүңүз", "чай ичип кетиңиз" же "чай ичебиз" деп айтышат.
Суусаган экен деп чай берүү керек
Баарлашуу бүткөнүн түшүнүп коштошуу керек
Кафеге барууну сунуштоо керек
Баткенде жашагандардын көбү кандай өрүктү жешпейт?
Баргек өрүк алтын күкүрт менен ыштап, андан соң данегинен бөлүнүп кургатылат. Сатыкка чыгарылып турат. Баткенде жашагандар баргек өрүккө караганда жөн эле күнгө какталып кургатылган өрүктү көбүрөөк жешет.
Көк өрүк
Жаңы терилген өрүк
Өрүк как
Баргек өрүк
Баткенде келген конокторго дасторкон жайылып, бирок мөмө-жемиштер көп коюлбайт. Себеби?..
Дээрлик ар бир үйдө мөмө-жемиш бар.
Алар мөмө-жемиш жешпейт
Дээрлик ар бир үйдө мөмө-жемиш бар
Мөмө-жемиш жалаң экспорттолот
Баткенде пичан башталды. Эмне тууралуу сөз болуп жатат?
Талаада тоют чөптөрүн жыйноо башталганын Баткенде пичан деп коюшат.
Талаада тоют чөптөрүн жыйноо башталганы тууралуу
Жайлоодо койлордун жүнүн кыркуу башталганы тууралуу
Эгин-тегинди жыйноо башталганы тууралуу
"Аяш авам паншакты алып мака паяны жыйнаганы кетти". Сүйлөмдүн адабий нормадагы туура формасы кандай?
Баткенде эркек балдар агасынын досторуна аяш ава, аяш ака деп кайрылышат. Паншак же пайшак абадий нормада - бешилик, айры деп айтылат. Мака пая - жүгөрүнүн сөңгөгү. Гозо пая болсо пахтанын сөңгөгү.
Агамдын досу бешиликти алып, жүгөрүнүн сөңгөгүн жыйнаганы кетти
Агам бышкан жүгөрүнү оргону кетти
Агамдын досу мүшөктү алып жүгөрү жыйноого кетти
Баткенге барарда "Сары кыздын тоюна" чакыруу алсаңыз эмне кыласыз?
Баткенде өрүк бышкан учурду сары кыздын тою болуп жатат деп коюшат.
Үлпөн той болорун түшүнөм
Айгүл гүлү гүлдөгөнүн угам
Өрүк бышкан маал экенин билем
Баткен облусунда жашагандар кайсы транспортту көп колдонушат?
Айыл-чарбада көп колдонулгандыктан учурда көпчүлүк жашоочулар Портерди пайдаланып келишет.
Трактор
Портер
Автобус
Төмөнкү сөздөрдүн кайсынысы Баткенде ашканада колдонулат?
Жооптордогу сөздөрдүн адабий нормада айтылышы: Илаган - табак, каса - чыны, капкил - депкир, кепкил. Калит - ачкыч, чара - дагара, толто - тыбыт. Камзир - чыптама, сыйыр - уй, жаван - жыгачтан жасалган сандык.
Илаган, каса, капкил
Калит, чара, толто
Камзир, сыйыр, жаван
Паскы маалада турган мошин зор экен аа? Адабий нормага ылайык вариантты тандаңыз.
Паскы маала, мошин, зор - Баткен диалектисинде колдонулган сөздөр. Адабий нормасы: Паскы маала - төмөнкү айыл, ылдый жактагы айыл. Мошин - машина, унаа. Зор - сонун, мыкты.
Короодо турган унаа чоң экен ээ?
Сатыкта турган унаалар көп экен ээ?
Ылдый жактагы айылда турган унаа сонун экен ээ?
Топту эгизге тепсем жарылып калды. Адабий нормага ылайык вариантты тандаңыз.
Эгиз - Баткен диалектисинде колдонулган сөз. Адабий нормада - бийик, жогору, өйдө дегенди түшүндүрөт. Мисалы, волейбол ойногондо топту эгизирээк көтөр. Балдар кармап албашы үчүн дарыны эгизге кой.
Топту эгиз түгөйүмө берсем жарылып калды
Топту бийик тепсем жарылып калды
Топту дарбазага тепсем жарылып калды
Насвайды Баткенде кайсы ооруга шыпаа катары пайдаланышат?
Насвайды Баткен аймагында көп өндүрүшөт. Аны тиш ооруганда ооруну басуучу каражат катары колдонгондор бар.
Депрессияга
Тиш ооруга
Кызамыкка
Баткенде үлпөт тойдо кыздын ата-энеси күйөө балага кайсы кийимди кошуп берет?
Кыздын ата-энеси күйөө балага жашыл түстөгү чапанды кийитке кошуп берет. Кара түстөгү чапанды орто жаштагы кишилер жана аксакалдар киет.
Оюлар түшүрүлгөн чыптама
Жашыл түстөгү чапан
Токулган жемпир
Баткенде той-аштарда кыргыздын кайсы улуттук тамагы дээрлик жасалбайт?
Баткен облусунун көпчүлүк аймактарында аш-тойлордо палоо, шорпо жасалат. Боорсок да каттама, оймо, чак-чактын катарында дасторконго коюлат. Ал эми беш бармак той-аштарда конокторго көп тартыла бербейт.
Палоо
Боорсок
Беш бармак
Баткен облусунда кайсы шаардагы аэропорт иштебейт?
Баткен жана Исфана шаарларындагы аэропорттор ички каттамдарды кабыл алышат. Кызыл-Кыя шаарындагы аэропорт дээрлик 20 жылдан бери иштебей турат.
Кызыл-Кыя
Исфана
Баткен
Баткендин Оштон бөлүнүп, өзүнчө облус макамын алышына эмне себеп болгон?
1999-жылы июль айынын соңунда диний экстремисттердин тобу Баткен аймагына кирип, өздөрүнүн лагерлерин курган жана аларды чыңдоого аракет кылышкан. Ошол жылы күзүндө согушкерлер жок кылынгандан кийин жогорудагы окуяга байланыштуу экс-президент Аскар Акаевдин буйругу менен Баткен району облус макамын алып, Ош облусунан бөлүнгөн.
Жашоочулардын санынын көбөйгөнү
Ош коогалаңы
Баткен согушу
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
1
сый урматы абадан жакты. кыскасы 10 кун журдум 10 кун сыйлашты туркун тамактар менен коноко алып барышып жатты.
Кээ бир создорун колдонбойт экенбиз