Орусияда суунун тереңиндеги илимий изилдөө аппаратында чыккан өрттөн 14 жоокер каза тапты

Орусиянын суунун тереңиндеги илимий изилдөө аппаратында чыккан өрттөн аскер-деңиз флотунун 14 жоокери каза болду. Бул тууралуу жергиликтүү басылмалар жазып чыгышты.

Маалыматка ылайык, кырсык 1-июлда батиметриялык ченөө иштерин жүргүзүп жаткан маалда катталган. Анда жоокерлер иске ууланып каза болгон.

Аппараттын ичиндеги команданын ыкчам иш-аракетинин натыйжасында өрт чектөөгө алынып, өчүрүлгөн. Кырсык учурунда аппараттын ичинде жалпы канча адам болгону так белгилүү эмес.

"Кырсыктын себептери иликтенип жатат. Иликтөөнү Аскер-деңиз флотунун кол башчысы Николай Евменов жүргүзүүдө", - деп жазылат маалыматта.

Аппарат азыркы тапта Мурманск облусундагы Севеморск аскер-деңиз базасына жеткирилген.