Жалал-Абад. Тогуз-Торо районунда эгин жыйноо иштери башталды

Жалал-Абад облусунун Тогуз-Торо районунда жалпы 11 532 гектар айдоо аянты болсо, анын 3609 гектар жери пайдаланылбайт. Бул тууралуу бүгүн, 5-августта Тогуз-Торо районунун акими Тилек Идирисов билдирди. Айтымында, быйыл 1775 гектар жерге дан эгиндери себилген. 55 гектар буудай, 705 гектар арпа жана 515 гектар жүгөрү айдалганын айтат аким. "Учурда эгиндер бышып, оруп-жыйноо иштери башталды. Буудайдын 20 гектар жер аянты орулуп, дыйкандар эгин талааларын жыйноо менен алектенүүдө",- дейт Идирисов.