Атамбаев: "1-2 күнгө чет өлкөгө барып келишим мүмкүн"

Бүгүн, 15-июлда экс-президент Алмазбек Атамбаев Кой-Таштагы үйүндө тарапташтары менен жолугууга чыгып, журналисттердин суроолоруна жооп берди.

Ал Кыргыз өлкөсүнөн узак убакытка кетпей турганын айтты. "Мени кетип калат деп ойлобой эле коюшсун. Мүмкүнчүлүк болсо 1-2 күнгө гана чет өлкөгө эс алууга же мөөнөтсүз иштер менен барып келишим мүмкүн. Кайсы өлкөгө экенин айтпай эле коёюн. Өз учуру келгенде өзүм же басма сөз кызматым баарын айтып берет", - деди Атамбаев.

Мындан тышкары ал учурда ыр жазууга ыңгайлуу убакыт эмес экенин белгиледи. "Жазылып бүтө элек ырларым бар", - деди экс-президент.