Ошто жүрөк оорусу кармап калган айдоочу унаасы менен бийиктиги 28 метр болгон жардан кулап каза болду

Ош облусунун Алай районунда жеңил унаа бийиктиги 26-28 метр болгон бийиктиктен кулап кетти. Бул тууралуу Ош ОИИБинин басма сөз кызматы билдирди.

Маалыматка ылайык, кырсык 22-июль күнү Ош-Эркечтам унаа жолунда катталган.

"Алай районунун 45 жаштагы тургуну өзүнүн Daewoo Kalos унаасы менен Гүлчө айылын көздөй бара жаткан. Жолдо унаанын рулу башкаруудан чыгып, жардан кулап кеткен. Аны жергиликтүү тургундар көрүп милиция кызматкерлерине кабар беришкен. Жерине келген ыкчам иликтөө тобу маркумдун аты-жөнүн аныктап, ага медициналык экспертиза дайындаган. Экспертизанын жыйынтыгында маркумдун жүрөк оорусу кырсыкка чейин эле кармап калганы аныкталган. Мындан улам унаа жардан кулап кетиши мүмкүн экени айтылган", - деп билдирет басма сөз кызматы.

Бул факты Кылмыштардын жана жоруктардын бирдиктүү реестрине катталган.