“Тумар” бий тобу жана Атай Өмүрзаков Орусиянын “Минута славы” долбооруна катышат

“Тумар” бий тобу жана Атай Өмүрзаков Москва шаарында өтө турган “Минута славы” долбооруна катышат. Бул тууралуу Атай Өмүрзаков бүгүн, 6-августта маалымат жыйынында билдирди. Айтымында, сынактын 1-айлампасы 12-13-август күндөрү өтөт. “Финал октябрь айында болот. Жеңүүчүлөр 10 миллион рубль жана "Сочи-2014” Олимпиада оюндарынын ачылыш аземине катышууга расмий түрдө укук алышат. Биз долбоорго катышуу үчүн эмес, жеңиш үчүн бара жатабыз”,- деди ал.