Чүйдө 30 жаштагы аял киши зордуктоого кабылганын айтты. Шектүү катары Ысык-Көл облусунун тургундары кармалды

Чүй облусунун Суусамыр өрөөнүндө зордуктоо фактысы катталганын Чүй ОИИББинин басма сөз кызматынан билдиришти.

Маалыматка ылайык, 29-августта Бишкек шаарынын тургуну К.А. Жайыл РИИБине арыз менен кайрылган. Арызда аталган күнү саат 05:00 чамасында Суусамыр өрөөнүндө Чыңгыз аттуу бала күч колдонуп, аны зордуктап салганын айткан.

Бул факты боюнча иликтөө иштеринде кызматкерлер Форд Фиеста үлгүсүндөгү унааны токтотуп, алардын документтерин текшерүүгө алышкан. Текшерүүдөн кийин шектүү делинип унаанын айдоочусу, Ысык-Көл облусунда төрөлгөн 32 жаштагы Б.У. жана жүргүнчү катары келе жаткан Б.Ч. аттуу жарандар Жайыл РИИБине алып келинген.

Бул иш Кылмыштардын жана жоруктардын бирдиктүү реестрине катталып, териштирүү иштери башталды.