Соттон сотко чуркаган мугалимдер. И.Арабаев атындагы университеттеги чуу

SUPER.KG порталына Ишеналы Арабаев атындагы Кыргыз мамлекеттик университетинде буга чейин иштеп кеткенбиз деген Нарынбек Касымалиев жана Кенжебек Жумабеков аттуу жарандар кайрылышты. Алар “университеттин жетекчилиги социалдык фондго камсыздандыруу төлөмдөрүн которбой койгон, университет жетекчилиги кландык башкарууну жүргүзүп жатат. Кайрылбаган жерибизи калган жок” дешет.

Бизге кайрылгандардын бири Кенжебек Жумабеков "Кыргыз мамлекеттик университетинин жетекчилиги мени 2 жолу себепсиз жумуштан бошотуп, 2 жолу себепсиз айлык акымды кыскартышты" дейт. Кенжебек Жумабековдун жактоочусунун айтымында, 2002-жылдан тартып окуу жайдын жетекчилиги соттун чечимин аткарбай келген.

Сөз болуп жаткан окуу жайда эмгектенип кеткен Нарынбек Касымалиев университетте студенттерге адистик бербей эле үстүртөдөн окутуп диплом берилгенин, бул боюнча ал тиешелүү тараптарга кайрылып жыйынтык болбогонун айтты.

Биз экинчи тараптын, тагыраагы Кыргыз мамлекеттик университетинин жетекчилигинин да сөзүн угуп көрдүк. Окуу жайдын ректору алар 10 жыл мурунку маселелер менен сотко кайрылып жатышканын, сот кандай чечим кабыл алса, баары мыйзам чегинде аткарыларына токтолду. Окуу жайдын укук бөлүмүнүн башчысы Нарынбек Касымалиев менен Кенжебек Жумабековдун сотко кайрылуулары боюнча кенен айтып берди. Окуу жайда орун алган ызы-чуу тууралуу кененирээк видеодеон көрүңүз.