Кыргызстандык балбан Азамат Бараков Германияда өтө турган “Супер талант” сынагына катышат

Кыргызстандык балбан Азамат Бараков Германияда өтө турган “Супер талант” сынагына катышат. Бул тууралуу балбан өзү билдирди. Айтымында, сынак 14-18-август күндөрү Германиянын Висбаден шаарында өтөт. “Ал жакка Алыш федерациясынын жетекчиси Алманбет Анапияев, “Замандаш” ассоциациясынын колдоосу менен барып, кастингден өтүп кеттим. Эми 1-айлампага катышам. Өнөрүмдү тартуулап, баш байгеге коюлган 100 миң еврону утам деген тилегим бар. Кастингге миллиондон ашык киши барып, алардын арасынан 100гө жакын адам өттүк”,- деди Азамат мырза. Балбан тандоо турунда күрөктү өзүнүн башына чаап сындырганын, 2 көмөч казанды колу менен бүктөгөнүн, аларга мык кагып киргизип, кайра сууруганын айтты. Ошондой эле жаш балбан Ауди жеңил унаасын сүйрөдү. Жиптин учуна кылыч байлануу болчу, алаканын анын мизи кескен жок.